yn y blog hwn, gofynnom ni i’n gofalwyr maeth, pam eich bod chi’n maethu gyda maethu cymru wrecsam?
Gary – gofalwr maeth wrecsam
“Dechreuais i faethu yn y flwyddyn 2000, roeddwn i a fy ngwraig yn gweithio sifftiau ac roeddem ni wedi bod eisiau helpu plant ers amser hir i gael yr holl fanteision y cafodd ein plant ni.
Gwnaethom ni erioed ddechrau maethu am yr arian, ac roeddem ni eisiau gweithio gyda’r awdurdod lleol oherwydd y gefnogaeth yr oedden nhw’n ei chynnig. Dros y blynyddoedd rwyf wedi sylweddoli y bydd yr awdurdod lleol bob amser yn gweithio gyda’r gofalwr maeth ac yn rhoi’r holl hyfforddiant a’r arian iddo er mwyn cyflawni hyn.
Mae’r awdurdod lleol wedi dangos eu gwerthfawrogiad yn ddiweddar o’u gofalwyr drwy roi taliad sgiliau sylweddol i ofalwyr cymwys am bob plentyn yr ydym ni’n gofalu amdanynt. Mae’r taliad sgiliau yn ychwanegol i lwfansau’r plentyn neu berson ifanc, ac mae’r awdurdod yn cydnabod cost penblwyddi, gwyliau, gweithgareddau y tu allan i’r ysgol a gwyliau crefyddol ac mae’n rhoi arian ychwanegol i dalu am y costau hyn pe bai angen.
Rwy’n fwy na hapus i argymell gweithio gyda Gwasanaethau Cymdeithasol Wrecsam a sgwrsio ag unrhyw un sydd â diddordeb mewn dod yn ofalwr maeth.”
Lisa – gofalwr maeth wrecsam
“Rwy’n maethu i Wrecsam oherwydd rwy’n gwybod fy mod i’n cael cefnogaeth wrth ofalu am y plant.
Mae gen i berthynas dda â fy Uwch Weithwyr Cefnogi, sy’n ymddiried ynof fi ac yn cynnig llawer o annogaeth. Mae ef bob amser ochr arall y ffôn pan fo angen i gynnig cyngor neu wrando arnaf.
Rydym ni’n grŵp hyfryd o ofalwyr sy’n cymryd ein swyddi o ddifrif ac yn rhoi ein pobl ifanc yn gyntaf. Rwy’n falch o fod yn rhan o Faethu Cymru Wrecsam ac yn mwynhau dal i fyny dros goffi bob mis.
Pam fyddech chi’n gwario arian ychwanegol ar ofal preifat pan allai gael ei wario ar y plant sydd ei angen yn fwy?
Dros y 22 o flynyddoedd, nid yw Wrecsam erioed wedi rhoi rheswm i mi ystyried lleoedd eraill ar gyfer maethu ac maen nhw wedi fy nghefnogi i â bron i bopeth yr ydw i wedi rhoi cynnig arno gyda fy mhlant.
Diolch, Wrecsam, am roi cyfle i mi ragori mewn swydd yr ydw i wrth ei bodd â hi, er ei bod hi’n anodd weithiau.”
Millie – gofalwr maeth wrecsam
“Rwy’n maethu i’r awdurdod lleol oherwydd fy mod i eisiau rhoi rhywbeth yn ôl i fy nghyngor a’r rhai sy’n byw yn y gymuned. Rwyf wedi maethu am dros 20 mlynedd i CBSW a dyma gyfnod mwyaf heriol fy mywyd ond y cyfnod sydd wedi rhoi’r boddhad mwyaf i mi hefyd. Mae ein tŷ yn llawn ac yn ddi-drefn, ond mae’n llawn cariad a gofal. Gweld babanod yn dychwelyd i’w rhieni, i symud ymlaen i fabwysiadu, creu rhieni a theuluoedd newydd, i wylio’r bobl ifanc yn tyfu a ffynnu i ddod yn oedolion â theuluoedd eu hunain. Ni fyddwn yn newid dim byd amdano. Rwy’n falch o fod yn ofalwr maeth CBSW. Ewch amdani! Ni fyddwch yn difaru.”
